ယခုသီတင်းပတ်ထုတ် လျှပ်တပြက်ဂျာနယ်တွင် ကျောက်နီမော် အဖြစ်အပျက်ကို ရောင်စုံ သတင်းဓါတ်ပုံနှင့် တကွဖေါ်ပြခဲ့ခြင်းကြောင့် စာပေစိစစ်နှင့် မှတ်ပုံတင်ဋ္ဌာနမှ ဂျာနယ် ထုတ်ဝေခွင့်ကို ယာယီရပ်ဆိုင်းလိုက်ကြောင်း ယနေ့ညနေ စာပေစိစစ်ရေး၏ ထုတ်ပြန်ချက် အရသိရှိရသည်။
ယင်းသတင်းဖေါ်ပြချက်ကို လက်ရှိ တည်နေဆဲဖြစ်သည့် စာပေစိစစ်ရေး လုပ်ထုံးလုပ်နည်းများအတိုင်း ကြိုတင်တင်ပြခြင်း မရှိခဲ့ဟု ကြေညာချက်တွင် ဖေါ်ပြထားသည်။
ယခုလို ဂျာနယ် ထုတ်ဝေခွင့်ရပ်ဆိုင်းခံရခြင်းသည် ဦးသိန်းစိန် ဦးဆောင်သည့် အရပ်သား အစိုးရ တက်လာပြီး ၁ နှစ်ကျော်ကာလအတွင်း ပထမဆုံး
ဂျာနယ်တစောင်အား ထုတ်ဝေခွင့် ရပ်ဆိုင်းခြင်း ဖြစ်သည်။
စာပေစိစစ်ရေး လုပ်ငန်းစဉ်ကို လာမည့်လကုန်တွင် ရုပ်သိမ်းတော့မည်ဟု သတင်းထွက်ပေါ်နေစဉ်၊ မီဒီယာ ဥပဒေသစ်ကို လွှတ်တော်တွင် တင်သွင်းအတည်ပြုရန် ပြင်ဆင်နေစဉ်တွင် ရခိုင်ပြည်နယ်တွင် ဖြစ်ပွားခဲ့သည့် အဖြစ်အပျက်တရပ်ကို ထပ်မံဖေါ်ပြသည့် အတွက် အပတ်စဉ်ထုတ်ဂျာနယ်တစောင်အား ထုတ်ဝေခွင့် ယာယီရပ်ဆိုင်းရန် အမိန့်ချမှတ်ခဲ့ခြင်း ဖြစ်သည်။
Yangon Press International